کتے نے دولہے کا پاسپورٹ چبا لیا، امریکی شہری کی شادی خطرے میں پڑگئی

کتے نے دولہے کا پاسپورٹ چبا لیا، امریکی شہری کی شادی خطرے میں پڑگئی

امریکہ کے شہر بوسٹن میں ایک کتے نے اپنے مالک کا پاسپورٹ اس کی شادی سے کچھ روز قبل چبا ڈالا، جس کی وجہ سے شہری کی شادی خطرے میں پڑگئی۔

ڈوناٹو فراترولی نامی شخص کی شادی اس وقت خطرے میں پڑگئی جب پالتو کتے نے ان کی شادی سے چند روز قبل امریکی پاسپورٹ کے چند صفحات چبا ڈالے۔

شہری نے میڈیا کو بتایا کہ وہ اپنی منگیتر کے ساتھ جمعرات کو شادی سے متعلق فارمز بھرنے کےلیے مقامی سٹی ہال گئے ہوئے تھے، کیونکہ 31 اگست کو ان کی شادی طے ہے، تاہم جب ہم وہاں سے فارغ ہو کر گھر واپس لوٹے تو ایک پریشان کن صورت حال کا سامنا کرنا پڑا۔

ڈوناٹو نے کہا کہ گھر واپس لوٹنے پر ہم نے دیکھا کہ کتا ہمارے پاسپورٹ کو چبا چکا تھا، جسے دیکھ کر ہم پریشان ہوگئے، کیونکہ اٹلی کےلیے ہماری جمعے کی فلائٹ تھی۔

ڈوناٹو اور اس کی منگیتر کا کہنا تھا کہ ہم کوشش کر رہے ہیں کہ جلد اپنا نیا پاسپورٹ بنوالیں اور اس کےلیے ہم نے حکام سے مدد کی درخواست بھی کی ہے۔



اپنی رائے کا اظہار کریں