نگراں وزیر اعظم انوار الحق کاکڑ کی ارشد ندیم کو مبارک باد

فائل فوٹو
فائل فوٹو

نگراں وزیر اعظم انوار الحق کاکڑ نے ورلڈ ایتھلیٹکس چیمپئن شپ میں دوسری پوزیشن حاصل کرنے پر ارشد ندیم کو مبارک باد پیش کی۔

 ان کا کہنا ہے کہ ارشد ندیم کی شاندار کامیابی پاکستان کے لیےخوشی کا دن ہے۔

نگراں وزیر اعظم نے جیولن تھرو کے فائنل مقابلے میں بہترین پرفارمنس دکھانے والے ایتھلیٹ کو مبارک باد دیتے ہوئے کہا کہ  ارشد ندیم آپ نے قوم کو خوش اور سر فخر سے بلند کردیا، آپ کی بہترین اسپورٹس مین شپ کی بدولت آپ کو اور پاکستان کو سلور میڈل ملا۔

واضح رہے کہ ہنگری کے شہر بڈاپیسٹ میں ہونے والی ورلڈ ایتھلیٹکس چیمپئن شپ کے جیولن تھرو کے فائنل میں 12 ایتھلیٹس نے حصہ لیا جن میں بھارت کے 3 کھلاڑی شامل تھے، ارشد ندیم نے عالمی ایونٹ میں تاریخ رقم کرتے ہوئے پاکستان کے لئے پہلا میڈل جیتا۔



اپنی رائے کا اظہار کریں