جے شاہ کا ایشیا کپ کے آغاز پر ٹیموں کیلئے نیک خواہشات کا اظہار

فائل فوٹو
فائل فوٹو

ایشین کرکٹ کونسل (اے سی سی) کے سیکریٹری جے شاہ نے ایشیا کپ کے آغاز کے موقع پر تمام ٹیموں کے لیے نیک خواہشات کا اظہار کیا ہے۔

سماجی رابطے کی ویب سائٹ ایکس (سابق ٹوئٹر) پر جاری کیے گئے بیان میں جے شاہ نے کہا ہے کہ آج ایشیا کپ کا آغاز ہو رہا ہے۔

جے شاہ کا کہنا ہے کہ یہ ٹورنامنٹ مہارت اسپورٹس مین شپ اور یادگار لمحات کا جشن ثابت ہو گا۔

انہوں نے کہا کہ آئیے سب مل کر اسپرٹ آف کرکٹ کو منائیں۔

واضح رہے کہ ایشیا کپ کا افتتاحی میچ کھیلنے کے لیے پاکستان اور نیپال کی ٹیمیں ملتان کرکٹ اسٹیڈیم پہنچ گئی ہیں۔

ایشیا کپ کا پہلا میچ دوپہر ڈھائی بجے ہوگا، میچ سے قبل اسٹیڈیم میں افتتاحی تقریب بھی ہو گی۔

تقریب میں پاکستانی گلوکارہ آئمہ بیگ اور نیپالی گلوکارہ تھریشالہ گرونگ پرفارم کریں گی، افتتاحی تقریب کے بعد آتش بازی کا مظاہرہ بھی کیا جائے گا۔



اپنی رائے کا اظہار کریں