سمندری طوفان امریکی ریاست فلوریڈا سے ٹکرانے کے بعد جارجیا کے جنوبی ساحلوں کی طرف بڑھنے لگا ہے۔
غیرملکی میڈیا کے مطابق ریاست فلوریڈا سے ٹکرانے کے بعد طوفان ’ایڈالیا‘ کی شدت کیٹیگری 3 سے کم ہوکر کیٹگری ون ہوگئی ہے۔
امریکی میڈیا کا کہنا ہے کہ جنوبی کیرولائنا جانے سے پہلے طوفان کی شدت مزید کم ہونے کا امکان ہے۔
واضح رہے کہ سمندری طوفان ’ایڈالیا‘ کے فلوریڈا کے ساحل سے ٹکرانے کے بعد 3 ریاستوں میں ایمرجنسی نافذ کردی گئی ہے۔
غیر ملکی خبر ایجنسی کے مطابق طوفان 125 میل فی گھنٹہ رفتار کی ہواؤں کے ساتھ مغربی ساحلوں سے ٹکرایا۔
