شاہین آفریدی ایشیا کپ ختم ہونے کے فوری بعد دلہن گھر لے آئیں گے، سوشل میڈیا رپورٹس

تصویر بشکریہ سوشل میڈیا
تصویر بشکریہ سوشل میڈیا

سوشل میڈیا ذرائع سے یہ خبر سامنے آئی ہے کہ کرکٹر شاہین شاہ آفریدی ایشیا کپ کے اختتام کے فوری بعد اپنی دلہن گھر لے آئیں گے۔

کرکٹر شاہین شاہ آفریدی اور سابق کپتان شاہد آفریدی کی صاحبزادی انشا آفریدی رواں سال 3 فروری کو کراچی میں نکاح کے بندھن میں بندھے تھے۔

اب سوشل میڈیا پر وائرل رپورٹس اور شادی کارڈ کے مطابق قومی ٹیم کے فاسٹ بولر شاہین آفریدی اپنی اہلیہ انشا آفریدی کو رواں ماہ 19 ستمبر کو بیاہ کر اپنے گھر لے جائیں گے۔

شاہین اور انشا کی شادی سے منسوب سوشل میڈیا پر وائرل کارڈ
شاہین اور انشا کی شادی سے منسوب سوشل میڈیا پر وائرل کارڈ

یہ خبر ناصرف پاکستان بلکہ بھارت میں بھی جنگل کی آگ کی طرح پھیل گئی ہے۔

سوشل میڈیا پر وائرل رپورٹس میں دعویٰ کیا جا رہا ہے کہ شاہین اور انشا کی شادی ایشیا کپ کے بعد 19 ستمبر جبکہ ولیمہ 21 ستمبر کو اسلام آباد میں ہوگا۔

واضح رہے کہ پاکستان اور سری لنکا میں کھیلے جانے والا ایشیا کپ2023ء 17 ستمبر کو ختم ہو جائے گا۔

اس جوڑی کو شادی کی ممکنہ تاریخ سامنے آنے کے بعد سوشل میڈیا صارفین کی جانب سے مبارکباد ملنے کا سلسلہ جاری ہے۔

شاہین آفریدی کو مبارکباد دینے والوں میں کرکٹ بلاگرز اور تجزیہ نگار بھی شامل ہیں۔



اپنی رائے کا اظہار کریں