کراچی، بڑی تعداد میں ایس ایچ اوز کی تقرریاں اور تبادلے متوقع

کراچی، بڑی تعداد میں ایس ایچ اوز کی تقرریاں اور تبادلے متوقع

کراچی کے لگ بھگ 114 تھانوں کے ایس ایچ اوز کی تقرریاں اور تبادلے آئندہ ایک دو روز میں متوقع ہیں۔

اس سلسلے میں شہر کے تمام تھانے داروں سمیت مختلف لگ بھگ 300 سے زائد افسران کے ایڈیشنل آئی جی کراچی کی سربراہی میں کمیٹی نے انٹرویوز کئے گئے۔

ایڈیشنل آئی جی کراچی خادم حسین رند، تینوں زون کے ڈی آئی جیز عاصم خان قائم خانی، غلام اظفر مہیسر، اسد رضا اور تمام ایس ایس پیز نے کراچی پولیس آفس (کے پی او) میں انسپکٹر اور سب انسپکٹر کے عہدے کے پولیس افسران کے انٹرویوز کئے۔

پولیس ذرائع کے مطابق انٹرویوز میں تمام تھانوں کے ایس ایچ اوز کو اس لیے بلایا گیا تھا کہ ان کی تھانے میں تعیناتی کے دورانیہ اور کارکردگی کی جانچ پڑتال کی جائے۔

ذرائع کا کہنا ہے کہ طویل دورانیے تک کسی تھانے میں تعینات پولیس افسروں کو ہٹایا جا رہا ہے یا انہیں کسی دوسرے تھانے میں تعینات کیا جائے گا۔ سابقہ دور میں اب تک ایس ایچ او کے عہدے پر تعیناتی سے محروم پولیس افسران کو بھی آئندہ کام کرنے کا موقع دیا جائے گا۔

ذرائع کے مطابق گزشتہ سالوں کے سیاسی دورانیے میں تعینات رہنے والے بیشتر ایس ایچ اوز کو عہدوں سے ہٹایا جا رہا ہے، جبکہ کرپشن اور دیگر الزامات کا سامنا کرنے والے کئی ایس ایچ اوز کے خلاف تحقیقات بھی کی جائیں گی۔

ذرائع کا کہنا ہے کہ اس سلسلے میں لگ بھگ 80 ایس ایچ او کی فہرستیں تیار کی گئی ہیں اور بعض تلخ فیصلے بھی کیے جا رہے ہیں۔



اپنی رائے کا اظہار کریں