بھارتی فاسٹ بولر محمد شامی کو ضمانت مل گئی

فائل فوٹو
فائل فوٹو

بھارت کے فاسٹ بولر محمد شامی کو گھریلو تشدد کے کیس میں ضمانت مل گئی۔

بھارتی میڈیا کے مطابق کولکتہ کی عدالت نے محمد شامی اور ان کے بھائی محمد حسیب کی ضمانت منظور کر لی۔

واضح رہے  کہ 2018 میں محمد شامی کی اہلیہ حسین جہاں نے گھریلو تشدد کا مقدمہ دائر کیا تھا۔

پولیس کے مطابق بھارتی بولر محمد شامی پر قتل، دھمکیوں اور زہر دینے کی کوشش جیسے الزامات بھی عائد کیے گئے تھے۔

بھارتی میڈیا کے مطابق حسین جہاں کا کہنا تھا کہ 2018 میں دورۂ افریقا سے واپسی پر محمد شامی نے مجھے بدترین تشدد کا نشانہ بنایا تھا۔

انہوں نے الزام عائد کیا تھا کہ محمد شامی انہیں دھوکہ دے رہے تھے اور مختلف لڑکیوں کے ساتھ سوشل میڈیا پر نازیبا گفتگو کیا کرتے تھے جن کے ثبوت موجود ہیں۔



اپنی رائے کا اظہار کریں