مریم نواز لاہور سے لندن کے لیے روانہ ہوگئیں

فائل فوٹو
فائل فوٹو

پاکستان مسلم لیگ (ن) کی نائب صدر مریم نواز آج صبح لاہور سے لندن روانہ ہوگئیں۔

سابق وزیراعظم شہباز شریف نے بھی ایک دن پاکستان میں قیام کے بعد ہی اچانک لندن واپسی کا پروگرام بنالیا ہے، صبح ساڑھے 9 بجے لندن کے  لیے روانہ ہوں گے۔

رپورٹس کے مطابق شہباز شریف، نواز شریف کے لیے اہم پیغام لے کر جارہے ہیں، مریم نواز آج شام اور شہباز شریف رات کو لندن پہنچیں گے۔

نواز شریف، شہباز شریف اور مریم نواز کی جمعے کو اہم ملاقات ہوگی، نواز شریف کی 21 اکتوبر کو وطن واپسی کے حتمی پروگرام کے علاوہ الیکشن سے متعلق اہم فیصلے متوقع ہیں۔

پارٹی کی سیکرٹری اطلاعات مریم اورنگزیب نے کہا ہے کہ شہباز شریف پارٹی قائد نواز شریف کے بلانے پر لندن جارہے ہیں، وہ لندن میںِ نواز شریف سے اہم مشاورت کریں گے، مشاورت کے بعد جلد وطن واپس آئیں گے۔



اپنی رائے کا اظہار کریں