15 کروڑ سال پرانا ڈائناسور کا ڈھانچہ نیلام کیا جائے گا

فوٹو بشکریہ ٹوئٹر
فوٹو بشکریہ ٹوئٹر

زمین کے قدیم ماضی کو کھولنے کی جستجو میں انسانوں نے وقت کے ساتھ ساتھ ایک قابل ذکر سفر کا آغاز کیا جس کے دوران انسانوں نے زمین پر رہنے والی کئی مخلوقات کی باقیات کا پتہ لگایا۔

اسی سلسلے کی ایک کوشش کے طور پر پیرس میں اگلے ماہ 15 کروڑ سال پرانا ڈائناسور کا ڈھانچہ نیلام کیا جائے گا۔

غیرملکی میڈیا کے مطابق ایک اندازہ کے تحت اس نیلامی سے 12 لاکھ ڈالر ملنے کی امید ہے۔

حکام کے مطابق اس ڈائناسور کے ڈھانچے کا قد 6 فُٹ اور لمبائی 16 فُٹ ہے۔ جسے پہلی بار 1990ء میں امریکی ریاست وائیومنگ میں دریافت کیا گیا تھا۔

حکام کا کہنا ہے کہ اس ڈائناسور کے ڈھانچے کا سر 90 فیصد جبکہ دیگر جسم 80 فیصد اصلی ہے۔

غیرملکی میڈیا کے مطابق اس ڈائناسور کے ڈھانچے کی نیلامی سے قبل اگلے ماہ عام عوام بھی اسے دیکھ سکیں گے۔



اپنی رائے کا اظہار کریں